好多人會覺得單身係一種折磨，一種令你感到孤單空虛同被遺忘跳折磨。我曾經都覺得單身係一種不幸，當人人都得到愛既時候，自己依然形單隻影，就好似被世界遺忘，被眾人遺棄。

但後來我發現，單身其實係一種磨練，亦係一個畀你準備好去愛下一個人嘅階段。愛一個人絕對係需要準備，首先係一個有空間容納新一個人嘅心，然後就係一個更好嘅自己。

啲人成日怨自己遇唔到真愛，撞唔到「對的人」，但佢哋無諗過自己係處於一個咩嘅狀態。當你感情關係混亂、前任依然佔據你個心，就算真愛喺你面前你都唔會睇到；或者當你仲係一個好糟糕嘅人，又點可以期待自己會遇到一個完美嘅白馬王子？

如果想得到更好嘅愛情，就請努力去令自己變成更好嘅人；你想到「對的人」，就請先將自己變成「對的人」 同時，請好好學習珍惜同愛護自己，自愛然後被愛，自然會遇到一個珍惜你嘅人。唔好坐喺度怨天尤人，不如好好利用單身嘅自由，去做想做嘅事，去成就更好自己。當你變得更好嘅時候，就自然會吸引到更好嘅人。

更多適合您在夜裏獨自細讀的書：